Luftkapasitetar

Ingeniørar, avionikarar, fagteknikarar, mekanikarar, pilotar, økonomar, prosjektleiarar, juristar og merkantile ekspertar jobbar hos oss. Dei har ansvaret for å planleggje, anskaffe og forvalte materiell som bidreg til at Luftforsvarets styrkar har luftmateriell som er teknisk godkjent og trygt i bruk.

Vårt ansvarsområde

Når Noreg kjøper nye F-35 kampfly, P-8 overvakingsfly, dronar eller helikopter, er det Forsvarsmateriell luftkapasitetar som vurderer, bestiller, kjøper og forvaltar dei.

Luftkapasitetar er fagstyresmakt for å godkjenne luftdyktigheita til alle militære luftfartøy. Kapasiteten godkjenner òg regelverk, utarbeider teknisk dokumentasjon og bruksgodkjenner alle militære luftsystem.

Eininga har ansvar for at pilotane i Forsvaret har materiell som held den standarden som blir kravd.

Luftkapasitetar koordinerer drift og vedlikehald ved å overvake systemtilstand, utarbeide risikovurderingar og handtere avvik. Dei kartlegg og styrer behov for vedlikehald, forsyning og modifikasjon, koordinerer tilsyn og styrer systemkonfigurasjon.

European Military Airworthiness Requirements

Forsvarsmateriell luftkapasitetar styrer implementeringa av EMAR (European Military Airworthiness Requirements) i Noreg. EMAR er eit europeisk sett med krav til militær luftdyktigheit, det vil seie tryggleikskrav til flygande materiell. EMAR blir utvikla og gitt ut av European Defence Agency (EDA), eit EU-organ som skal styrkje det europeiske militære samarbeidet.

Forsvarsmateriell luftkapasitetar gir ut reglement for militær luftdyktigheit som regulerer krav til industrien, samt innføring for norske militære luftfartøy. I dette kravsettet er det teke inn tilpassa versjonar av EMAR-regelverket.

På sidene til Norsk militær luftdyktigheitstyresmakt, ei avdeling i Forsvarsmateriell luftkapasitetar, finn du meir informasjon om EMAR og lenkjer til gyldige utgåver av alt regelverk som regulerer militær luftdyktigheit i Noreg.

Les meir om EMAR i Noreg her

Viktige satsingar innan luftdomenet

Når vi skal anskaffe helikopter, kampluftvern eller kampfly til Forsvaret, samlar vi gjerne fleire anskaffingar i større investeringsprosjekt eller -program. Nokre av desse kan du lese om under.

Program

Kampflyprogrammet

Prosjekt

P-8A Poseidon

Arbeidskvardagen i Luftkapasitetar

Hos oss jobbar ingeniørar, juristar og økonomar saman med forsvarsgrenene for å teste, anskaffe og forvalte materiellinvesteringane i Forsvaret. Lurer du på korleis prosjektleiarar, kontraktspesialistar, controllarar, utviklarar, rådgivarar og leiarar jobbar? Klikk på bileta for ein smakebit av kvardagen vår: